Dispela ripot i toktok long wok bilong Dr C. Kalkman na Mr W. Vink, bilong Rijksherbarium long Leiden, Holland, wantaim Mr A. N. Gillison na Mr D. G. Frodin bilong Division bilong wok long Botany, long Lae. Oli bin mekim dispela wok long yar 1966 long ol dispela pies klostu long Tari: mauden Ambua, mauden Ne, mauden Kerewa na wanpela pies istap namel oli kolim Ibiwara. Oli bungim ol plaua, ol lip bilong diwai na ol diwai; olgeta samting em oli bungim wantaim inap long 1,975. Bihain, bai oli salim ol dispela samting igo long ol masta long university or bigpela skul we oli wokim wanpela buk oli kolim Flora. Dispela ripot bai toksave long ol kain diwai i stap long bus na ol kain plaua antap long mauden. Ripot ia i pinisim lukluk long plaua, long lain oli kolim Ericaceae i stap long ol dispela ples na antap long mauden Giluwe, mauden Kubor na mauden Wilhelm. Mipela i laik tok tenkyu long ol pipal bilong Tigibi na Benaria em oli bin wok wantaim mipela.