Plantae a Th. Herzogio in itinere Eius Boliviensi Altero annis 1910 et 1911 collectae. Pars X. Compositae (Continuatio)

Frutex volubilis ramulis teretibus, costatis, glabris, inferne nudis cicatricosis, superne dense foliosis, 4—5 mm crassis. Folia chartacea, alterna (internodiis 2—3 mm longis), brevissime petiolata, lanceolata, apice acuta mucronulataque, basi cuneata, margine integerrima vel subdentata, utrinque glaberrima, subtus nervo mediano prominenti, venis secundariis argute reticularis; petiolo 2—5 mm longo, lamina 7—10 cm longa, 2—2.5 cm lata. Capitula discoidea, multa, in apice ramulorum densissime corymbosa; pedicellis glabris, ca. 5 mm longis. Involucrum turbinatum, 12—15 mm longum, 5 mm crassum; bracteis papyraceis, glaberrimis, ca. 15, externis ovatis, acutis, margine subciliatis, 3—5 mm longis, 2—2.3 mm latis; internis lanceolatis, acutis, usque 15 mm longis, 1.8 mm latis. Receptaculum convexum. Flores 5, isomorphi, hermaphroditi, corolla tubulosa 10 mm longa, superne Pentalobata; lobulis lanceolatis ca. 4 mm longis. Achaenia (valde inmatura), leviter compressa, minute glandulosa. Pappus biseriatus, ochraceus.